بتزا ايطالية بلمسة مصرية

فى الاونة الاخيرة اتجه الاولاد الى الاكثر من تناول الوجبات السريعة وخصوصا البيتزا دون الاهتمام بمدى صحة هذه الوجبات وتاثيرها على الصحة العامة ناهيك عن العبء المدى الذى اضيف على كاهل رب الاسرة  وحرصا منا على سلامة اولادنا فقد قررنا اليوم عمل بيتزا ايطالية بيتى لنضمن انها صحية وغير مكلفة وتحتوى على ما تحتاج اليه اسرتك من مكونات ضرورية للجسم واليك الطريقة
المقادير:                                                                            

1-كوب ونصف من الدقيق                2-نصف ملعقة سمنة
3-ملعقة زيت كبيرة                        4-ملعقة خميرة بيرة
5-فلفل اخضر مقطع شرائح            6-طماطم مقطعة
7-جبنة شيدر وفلمنك مبشورة          8-قطع زيتون     
9-لحمة معصجة او فراخ              10-ملعقة سكر
11-جبنة موتزاريلا ان وجد           12-رشة ملح
                        

                        طريقة التحضير:
1-نضع الدقيق وعليه الملح والسكر وندوب السمنه والزيت والخميره فى شويه ماء ساخن وتعجن بيهم وتخلى العجينه مضبوطه ولا ناشفه ولا ملزقه ونتركها تخمر.
2- بعد كدا نهبطها بشويش من كل جنب و نتركها تخمر تانى وبعد كدا نهبطها بنفس الطريقه.
3- نفردها بالنشابه على مقاس الصينيه وتكون سمكها نصف سم ونتركها ترتاح وندهن وجهها بالفرشاه بشويه زيت ونخرمها بالشوكه علشان ما تتخنش فى الفرن.
4- بعد كدا نضع شويه جبنه مبشوره ونضع اللحمة او الفراخ والطماطم عليها وفوقهم الفلفل والزيتون وبعد كدا نرش الوجه كله بباقى الجبنه المبشور والجبنةالموتزاريلا اخر اضافة ان وجدت.
5- نكون مسخنين الفرن على درجه حراره 200 ونضع الصينيه على الصاج مباشره ونخليها تاخد لون وردى من تحت ونضعها بعد كدا تحت الشوايه تاخد لون فاتح وتذوب الجبنه.
6-نقوم باخراجها من الصينية ووضعها فى قالب التقديم وتقطيعها بقاطع البيتزا
طريقة سهلة لتعصيج اللحمة او الفراخ
                                                     
                                                 المقادير لعمل نص كيلو لحم معصج
                                                     -  نص كيلو لحمة او فراخ       
                                                    -ملعقة كبيرة سمنة اوزيت
                                                    -بصلة متوسطةتقطع صغيرة
                                                     -فص ثوم صغير مفروم                                              
                                                    -ملعقة عصير طماطم حسب الرغبة
                                                    -ملح وفلفل والبهارات المفضلة
                                                     
  الطريقة:
تحضر مقلاة ساخنة ثم يضاف ملعقة السمن ويضاف اليها البصل مقطع صغير وتشوح الى ان تبدا فى الاصفرارويضاف اليها الثوم المفروم وفى حال عصير الطماطم يضاف بعد ان يصفر البصل والثوم تماماثم يضاف الملح والفلفل والبهارات حسب الرغبةثم يضاف اللحم او الفراخ وتقلب جيدا وتترك حتى تجف العصارة ويتكثف قوامها وبالهنا والشفا